Dağıstanın Doquzpara rayonunun Miskincə kəndinin yuxarı hissəsindəki qədim qəbiristanlıqdan tapılmış, ərəbcə yazılmış kitabların arasında üstündə “Miskinji” yazılmış xronoqraf da var. Ərəbşünaslar onun çox qiymətli tarixi məxəz olduğunu təsdiq etmişlər. XVIII əsrin ikinci yarısında ərəbcə qələmə alınmış bu topluda ləzgilərin Nadir şahın qoşunları ilə döyüşlərindən, Miskincənin başına gəlmiş müsibətlərdən, lak hakimi Surxay xanın ləzgilərə hücum etməsindən, indiyədək tarixə məlum olmayan hadisələrdən söhbət açılır.