Алай йисан 19-сентябрдиз Къарабагъда Азербайжандинни Эрменистандин яракьлу къуватрин арада ягъунар кьиле фена. Адалай вилик Хожавенд районда мина пад хьана ва Азербайжандин Къенепатан Крарин Министерстводин полисарни галаз 9 кас гьелек хьана. 24 сятдин къене Азербайжанди Къарабагъда эрменийрин террордин вилик пад кьадай крар кьиле тухвана.

20-сентябрдиз эрменийри лацу пайдах хкажна. Сятдин 13:00-даз абур Бакудин агъадихъ галай шартlар кьабулна ислягьвилин рекьиз атана. Ингье а шартlар:

1) Азербайжандин Къарабагъ зонада авай Эрменистандин яракьлу къуватар чпин яракьар туна чи чилерай акъатна кlанзава.

2) Эрменийри вири яракьар, суьрсетар ва техника вахкана кlанзава.

3) И крар Россиядин ислягьвал яратмишзавай контингентдихъ галаз санал кьиле тухузва.

Эхь, эхирни Эрменистандин чlулав къуватар ислягьвилин рекьиз атана, Азербайжанди вичин суверенвал туьхкlуьрна.