Filmin linki: К соседям с любовью: лезгины

Bu günlərdə Sankt-Peterburq studiyalarının son on ildə çəkdiyi sənədli filmlərə qiymət verən jüri bir neçə il əvvəl məşhur rus rejissorları Vasili Şerbenkonun və Nikolay Makarovun çəkdiyi “Qonşunun evinə sevərək gedək - Ləzgilər” filmini Şimali Qafqaz xalqları haqqında çəkilmiş filmlər arasında ən yaxşısı kimi dəyərləndirmişdir.

Ləzgilərin adətlərinə, mədəniyyətinə, tarixinə, musiqisinə, xalq sənətlərinə, xalçaçılığa, mətbəxinə, xüsusən də ləzgi çörəyinə və onun bişirilmə texnologiyasına həsr olunmuş süjetlər maraqlı çəkilmişdir. Film boyu ləzgilər haqqında məşhur jurnalist Anastasiya Baraşkova məlumat verir.

Ləzgilərin yaşadıqları ərazilər - şəhərlər və kəndlər, dağlar və çaylar, bol bəhrəli bağlar, gül-çiçəkli yaylaqların mənzərələri tamaşaçıları heyran edir. Film 2015-ci ildə tanınmış ləzgi ziyalıları İmam Yaraliyevin və Suleyman Stalski rayonunun başçısı Nəriman Abdulmütəllibovun yaxından köməyi ilə çəkilmişdir.