Фильмдин ссылка: К соседям с любовью: лезгины

И йикъара Санкт-Петербургдин студийри эхиримжи цIуд йисуз чIугунвай фильмриз къимет гайи жюриди документальный фильмрикай са шумуд йис инлай вилик машгьур режиссерар тир Василий Щербенкоди ва Николай Макарова чIугунвай «Къуншидиз кIанивилелди фин – лезгияр» фильм Кеферпатан Къафкъаздин халкьарикай чIугунвай виридалайни хъсан фильм яз гьисабна.

Урус режиссерри лезгийрин адетриз, медениятдиз, тарихдиз, макьамриз, халкьдин сенятриз, халичачивилиз, цIун кIвализ, кьилди хьраз ва хьран кIвализ талукьарнавай сюжетар гзаф марагълуз чIугунва. Фильм тирвал лезгийрикай, абурун чилерикай, алакьунрикай ихтилатзавайди машгьур журналист Анастасия Барашкова я.

Лезги чилерин къамат къалурзавай сюжетар – чи шегьерринни хуьрерин, чи дагъларнни вацIарин, чи бегьерлу багъларинни яйлахрин акунар вирибур гьейранардайди хьанва. 2015-йисуз фильм арадиз гъидайла студиядиз мукьувай куьмек гайибур лезги халкьдин кьегьал хва Имам Яралиев ва СтIал Сулейманан райондин кьил Нариман Абдулмуталибов я.