20 may 2023-cü il tarixdə tamaşaçıların arzusu ilə Qusar şəhərindəki Heydər Əliyev Mərkəzində də “Səssiz haray” filminin təqdimat mərasimi keçirildi. Tədbirdə filmdə çəkilmiş qusarlılar, tanınmış ziyalılar, Qusar rayon ictimaiyyətinin nümayəndələri iştirak etdilər. Yaradıcı heyəti gül dəstələri ilə qarşılayan qusarlılar filmə böyük maraqla tamaşa etdikdən sonra onun ssenari müəllifi və rejissoru S.Kərimovaya öz minnətdarlıqlarını gurultulu alqışlarla bildirdilər.
Olduqca səmimi keçən görüşdən mütəəssir olan müəllif tədbirin təşkilatçısı olan mərkəzin rəhbəri Lalə Sadirovaya və filmdə öz istedadlarını nümayiş etdirmiş qusarlı həvəskar aktyorlara ürəkdən təşəkkür etdi.