Алай йисан 6-10-августдиз Дагъустан Республикадин кьилин шегьер тир Магьачкъалада «Гилан аямда ватанэгьлияр санал кIватI хьун дуьньядин дурумлувилин бине я» тIвар ганвай форум кьиле фида. Ина гзаф марагълу мярекатар тухуда. Гьабурукай яз, форумдин иштиракчийри «Расул Гьамзатован 100 йис» фотовыставкадиз килигда. Ахпа абуру Р.Гьамзатован гуьмбетдин кьилив фена шаирдин яратмишунриз талукьарнавай лекциядиз яб гуда.
Форумдиз атанвайбуру къадим Дербент шегьердизни сиягьат ийида. Абур Дагъустандин халкьарин арада авай медениятдин алакъайрихъ галаз таниш жеда.