Novruz bayramı münasibətilə Qusar şəhərində ağacəkmə aksiyası keçirilmişdir. Rayonun idarə və təşkilatlarının əməkdaşlarının, eləcə də ictimaiyyət nümayəndələrinin iştirak etdiyi aksiyada ümumilikdə 3500 ədəddən çox eldar şamı və digər növ həmişəyaşıl ağaclar əkilmişdir.

Yaşıllaşdırma işləri eyni zamanda Qusar-Ləzə və Qusar-Xudat yollarının kənarında da görülmüşdür.

Yeni əkilmiş ağaclara aqrotexniki qulluq göstərilmişdir. İməcilik həmçinin park və xiyabanlarda da təşkil olunmuşdur.

Qeyd olunmuşdur ki, ağacəkmə aksiyasının əsas məqsədi ölkəmizdə ekologiyanın qorunması, təbiətə qayğı hissinin təbliği və ətraf mühitin sağlamlaşdırılmasına hər zaman böyük önəm vermiş ulu öndər Heydər Əliyevin əziz xatirəsini yad etməkdir.