Европадин Италия, Греция, Болгария хьтин уьлквейри 2020-йисан декабрдилай гатIунна Азербайжандивай газ къачузва. Ихьтин уьлк-
вейрин кьадар  къвердавай пара жезва. Алай йисан 2-июндиз Венгриядин талукь компаниди чи уьлкведивай газ къачун патал Азербайжандин Гьукуматдин НафтIадин Компания тир SOCAR-дихъ галаз икьрар кутIунна. Икьрардив кьадайвал, Азербайжанди йисан эхирдалди Венгриядиз 100 млн. кубометр газ гуда. Виликай къвезмай йисалай кьил кутуна Венгрияди чи республикадивай гьар йисуз 1-2 млрд. кубометр газ къачуда.
Алай йисан январдилай ЕС-дин Италия, Греция, Болгария хьтин уьлквейри Азербайжандивай къачузвай газ 10,9 процентдин артухарнава. Санлай 2023-йисуз къецепатан уьлквейри Азербайжандивай 24,5 млрд. кубометр кьван газ къачуда. Адан 12 млрд. кубометр Европа паталди я.