Азербайжандин Милли Илимрин Академиядин вице-президент Ирада Гьуьсейновади малумат гайивал, чи республикада цин суьрсетар къвердавай кьитI жезва. ИкI фейитIа, 2050-йисалди чи уьлкведа гзаф гьайванрин жинсерни набататрин жуьреяр юхдиз акъатда.
Алай йисуз чапдай акъатна кIанзавай Азербайжандин пуд лагьай «Яру ктабда» уьлкведин юхдиз акъатзавай гьайванрикайни набататрикай гегьеншдиз малумат гуда. Мукьвал йисара 241 жинс гьайванар терг хьун мумкин я. Гьар йисуз кьиле физвай кьурагьвилерини чи тIебиатдиз гзаф зарар гузва.
