Къуба райондин лезги Дигагь хуьре пуд гьавадин цIийи мектеб эцигна кардик кутунва.
360 аялди кIелун патал эцигнавай мектебда вири жуьредин къулайвилер арадиз гъанва. Вири кабинетар компьютеррив ва маса аваданлухрив таъминарнава. ЧIехи спортдин зал, ктабхана, фу недай кIвал, ял ягъидай чкаяр аялрин ихтиярда вуганва. Ина лезги чIалан тарсарни гузва. Хъсандиз кIелуналди ва гьар йисуз институтрик экечIзавай жегьилрин кьадардалди Къубадин маса мектебриз чешне къалурзавай Дигагь хуьруьн мектебдихъ кьилди цин гьамбархана ва трансформаторни ава.
