И йикъара Словениядин Подчетртек шегьерда ветеран дзюдоистрин Европадин чемпионат кьиле фена. Азербайжандин командади 11 медаль гъилик авуна. Абурукай 4 касди – Фергьад Режеблиди, Бабек Гьажиева, Вуькъар Будакъова ва Зулфикъар Гьуьсейнова къизил медалар къачуна.
Вичин 63 яшар хьанвай машгьур лезги дзюдоист Фергьад Режеблидин агалкьунар иллаки чIехибур я. Жегьил вахтундилай инихъ уьлкведин, Европадин ва дуьньядин акъажунра шумудни садра чемпионвилин тIвар къачур чи ватанэгьли 9 лагьай гъилера континентдин виридалайни гужлу дзюдоист титулдиз лайих хьана. Им гзаф чIехи агалкьун я.