Алай йисан 28-Майдиз Азербайжанди Аслу Туширвилин Югъ гегьеншдиз къейд авуна. 1991-йисалай 2021-йисалди и суварин тIвар Республикадин Югъ тир. Азербайжандин Парламентди 2021-йисан 15-октябрдиз «Аслу Туширвилин Йикъан гьакъиндай» тIвар ганвай къанун кьабулна. Азербайжан Республикадин Президент Илгьам Алиева гьа юкъуз и къанун тестикьарна.
Къанун тестикь хьайи кумазни 28-Майдин тIвар Аслу Туширвилин Югъ хьиз малумарна. И тIвар алаз кьвед лагьай гъилер я сувар кьиле тухуз. Сувар виринра гегьеншдиз ва гзаф шадвилелди кьиле фена.
