Россиядин гьукуматди азербайжан чIалал телеканал регистрация авунва. Адаз Россиядин Журналистрин КIватIалдик квай, I Къарабагъдин дяведин ветеран тир Рафик Алиева регьбервал гуда. Ада лагьайвал, алай вахтунда Россияда са миллиондилай гзаф азербайжанвияр яшамиш жезва ва абур паталди ихьтин телеканал кардик кутун чIехи вакъиа я.

   Телеканалдин кьилин макьсадрикай сад Россиядин агьалийриз Азербайжандин медениятдикайни тарихдикай малуматар гун я. Гунугар кьве чIалал – азербайжан ва урус чIаларал гьазурда.