ГЬАСАН АЛКЬАДАРИ:
Зи кьилин кьванцел кхьихь: «Зулумдик квай зи халкь са юкъуз азад жеда.» За рикIин сидкьидай жуван халкьдиз лугьузва, жезмай кьван илим чира, урус яни, чувуд яни килиг тавуна, гьар са инсандин гьуьрмет кьазанмиша. Куьн идара ийизвайбуруз ялтахвал мийир. ТахьайтIа, куьне квез гьуьрмет хьийидач». Гьар са миллетдихь галаз дуствал ая ва ви- лик алад.
За квевай тIалабзава, зи играми хизан, зи гилан ва гележегдин веледар, хъсан кьилихар авайбурал ихтибар ая. Диде-бубадиз гьуьрмет ая, тахьайтIа, дувандин вахтунда куьн азабдик акатда, аялрин къайгъу чIугу, абуруз герек тир чирвилер це, къуй абурухъ гьapaдахъ кIвалах хьурай, кьуй абур чIехи камаралди вилик фирай.
Зун кьейила, Аллагьдиз дуьа ая, къуй ада зи гунагьрилай гъил къачурай, гьим атайтIа: аял гвай дишегьли, кесиб кас, виридаз садакьа це.
Муькуь халкьарихь галаз санал яратмишдайбурукай хьухь. Къуй чилин винел вири инсанар ислягьвилелди яшамиш хьурай. Къуй жи жергейра хаинар амукь тавурай.
ГЬАЖИ ЗЕЙНАЛАБДИН ТАГЪИЕВ:
Садра зун гзаф багьалу каретада ацукьна жуван Мердаканда авай кIва- лиз физвай. Крар хъсан яз зи кефини кьумбар тир. Садлагьана заз каретадин дакIардай Ахунд Абутураб агъа вичин цIypy файтунда аваз физ акуна.
За карета акъвазариз туна ва гьасятда файтунчидиз эмир гана: «Вач, Ахунддиз лагь, зи каретадиз атурай». Ахунд атана ва чун санал зи каретада аваз инихъай-анихьай ихтилатар ийиз-ийиз рекье гьатна.
За адавай жузуна: «Агъа, вуна гьикI фикирзава, лагь кван, и мал-девлет зи гьиляй акъатун мумкин яни?» Абутураб агъади жаваб гана: «Гьажи, вун Меккедиз зияратдиз фена, ваз кьадар-кьисметдин чIурукIавал тийижиз туш. Ингье Аллагьдиз кIан хьай- итIа, ада са легьзеда вири мал-девлет вавай вахчуда. Гьавиляй эбеди тирда- кай фагьум ая...» Къад лагьай йисара фабрикаяр, мяденар ва имаратар завай вахчуна вири халкьдин мал авурла, зун яшамиш жен патал жуван Мердаканда авай кIвализ куьч хьана. Ана Абутураб агъадин гафар зи рикIел хтана ва зун гъавурда акьуна хьи, адан гъвечIи тупIуз чизвай кьван зи кьилиз чизвач. Гьавиляй за квевай зун адан кIвачерикай кучукун тIалабзава.
