Чи республикадин фадлай вириниз сейли хьанвай лезги дзюдоист Фаргьад Режебли- ди (90 кг, категория М8 - 65-69 йис) алай йи- сан ноябрдин эвелра Америкадин Садхьанвай Штатрин Лас-Вегас шегьерда яшлубурун ара- да кьиле фейи чемпионатда 12 лагьай гъилера дуьньядин чемпионвилин тlвар къачуна, Азер- байжандин пайдах хкажиз туна.
Вичин 65 яшар хьанвай Фаргьада вири акъа- жунра гъалибвал къазанмишна. Финал генани марагълуди хьана. Чемпионвилин тlвар къачун патал адахъ галаз акъажунар авур Аленн Дайе- са гьеле са шумуд югъ вилик вич чемпион жеда лагьанай. Ингье лезги кьегьалди адаз ахьтин тарс гана хьи, француз дзюдоистдивай са шумуд декьикьада ярх хьайи чкадилай къарагъиз хьанач.
Акъажунрин вахтунда Азербайжандин мад кьве ветеран тафаватлу хьана. Мардан Къадирлиди (90 кг) къизил, Интикъам Алекперова (100 кг) буьруьнж медаль къа- чуна. Акъажунра дуьньядин 68 уьлкведай 155 дзюдоистди, Азербайжан- дай 10 ветеранди иштиракна.