Юкьван виш йисара, Х-ХII асирра яшамиш хьайи кьуд машгьур лезги алимдикай – Юсуф бин ал-Гьусейн ибн Давуд Абу Йакъуб ал-Баби ал-Лезгидикай, Мегьамед ад-Дербенди ал-Лезгидикай, Абу Уьмер Усман ибн ал-Мусаддад ибн Агьмед ад-Дербенди ал-Лезгидикай ва Гьаким ибн Ибрагьим ибн Гьаким ал-Лезги ал-Хунлуки ад-Дербендидикай цIийи делилар винел акъатнава. Абурун гьакъиндай малуматар Йемендин архиврай жагъанва.

Делилрай малум жезвайвал, малуматар туькIуьрнавайди ХVIII виш йисан эхирра Дагъустанда хьайи машгьур йеменви алим аш-Шавкани я. Ада суфийрин надир энциклопедиядин гафаргандин автор тир Мегьамед ад-Дербенди ал-Лезгидикай ва адан эсиррикай гзаф гьейранвилелди кхьенва.