Са шумуд йикъалай Яран сувар алукьда. Яр къадим лезги йикъарганда гатфарин сад лагьай варз я. Чахъ Яран суварихъ галаз алакъалу тир кьилди адетар, месела, Яран мелер, Яран мехъерар ава.

Яран сувар лезгийрин виридалайни рикI алай сувар я. ИкI тирди чи фольклордини субутзава. Чахъ Яраз талукьарнавай цIудралди бубайрин мисалар ава. Халкьдин камаллувиликайни адан алакьунрикай хабар гузвай и мисалар куьруьбур, гекъигунар, везин ва рифма аваз жеда. Гзаф мисалар шиирдин къайдада туькIуьрнава. Агъадихъ чна са кьадар Яран мисалар гузва.

Яран ялавар – жегьилрин гьунарар

Яран каша атIудач, атIайтIани кьатIудач.

Яр гатфарив, Алкьвар – марфарив.

Яран къвайи югъ кьуьд я, алахьай югъ гатфар.

Яран цIаяр ярубур, Яран цуьквер – цIарубур.

Яран кар – лежбердин тIвар.

Яр ава – гатфар ава.

Яран сувар ялаври иерда.

Яра атIайди хъижеда, фитнеди атIайди ваъ.

Яран гар хару жеда, Яран свас кьару.

Яраз – ярам, гатуз – хурам.

ХъуьтIуь девлетлуяр, яра кесибар шадарда.

ХъуьтIуьн тIвар залан я, Яран тIвар кIубан.

Яраз гъилик яру гъал акалда.

ХъуьтIуьн къаяр патандаз, Яран цIаяр жувандаз.