Лезги чIала сая существительнияр туькIуьр хьунин са шумуд рехъ ава. Абур кьуд жуьреда арадиз къвезва:

а) суффиксрин куьмекдалди:

– а – : хъурца, кьантIа, ампа ;

– лаг: гъаргъалаг, фарфалаг, хевелаг, перпилаг ;

– ак, – ек: цIарак, кьуьзек, бицIек ;

– ал: кIватIал, тупIал, кукIвал ;

– ац: рагъвац, ктIац, кIулац, кьамац ;

– бан: нехирбан, рамагбан, саларбан, вакIарбан ;

– вал: итимвал, чирвал, кьегьалвал, иервал, хъсанвал ;

– ви: къубави, кцIарви, ахцегьви, гиливи, хуьруьнви ;

– хъан: хипехъан, тIапIахъан, гъуьрчехъан, маргъухъан ;

– чи: багъманчи, чархачи, далдамчи ;

б) префиксрин куьмекдалди: бейтереф, бейчара ;

в) чIалан маса паяр существительнийриз элкъуьруналди: дагълу, кIамай;

г) мана чара хьуналди: варз, къелем, аялар, кьин, ярагъ, тIуьн.

– вал суффиксдин куьмекдалди туькIуьр хьанвай вири существительнийрин ва гьакIни са гьижадин ван, кал, кац, къван, кIан, кIвач гафарин гзафвилин кьадардин форма – ер эхирди арадиз гъида: чирвал – чирвилер; ван – ванер; кал – калер; кац – кацер; къван – къванер; кIвал – кIвалер; кIвач – кIвачер.

Лабиал сес къалурдай в гьарф квай гафунин кьатI маса цIарцIиз акъуддайла, а гьарф вичелай вилик квай гьарфунихъай галуддач. Месела: ле – къвер (лекъ-вер ваъ), муь-къвер (муькъ-вер ваъ)