Азербайжан Республикадин Президент Илгьам Алиева алай йисан 7-январдиз телеканалриз гайи интервьюдин вахтунда Бакудин метрополитендин 10 станция эцигун патал талукь тапшуругъар ганай.
ЦIийи станцийри Бакуда машинрин сихвал арадай акъудиз куьмек гуда. Виликай къвезмай йисара Къацу рекьин 4, Беневш рекьин 6 станция эцигда. И станцияр кардик кутурдалай кьулухъ шегьердин куьчейра машинар са кьадар кьери жеда, метроди генани хъсандиз кIвалахда.
Алай йисуз Бакудин Метрополитенди 20 цIийи вагон къачуда. Идалай гъейри метродин маршрутдиз мад 4 цIийи поезд алава хъжеда.