Bu ilin sentyabrında “Xınalıq kəndi”nin və “Köçəri yolu”nun YUNESKO-nun mədəni irsinin siyahısına daxil edilməsi məsələsinə baxılacaq. “Xınalıq mədəni landşaftı və Köçəri yolu” adlı nominasiya sənədinin hazırlanması ilə əlaqədar bütün işlər başa çatdırılmışdır. Həmin sənəd qiymətləndirilmək üçün YUNESKO-nun əlaqədar komitəsinə təqdim edilmişdir. Nominasiya sənədi ilk dəfə olaraq yerli ekspertlər tərəfindən hazırlanmışdır.

“Xınalıq” Dövlət Tarix-Memarlıq və Etnoqrafiya Qoruğu ölkə Prezidentinin 19 dekabr 2007-ci il tarixli sərəncamı ilə yaradılıb.