Азербайжан Республикадин Президент Илгьам Алиеван серенжемдалди 2024-йисан 7-февралдиз чи республикада вахтунилай вилик Президент хкядай сечкияр кьиле фида. Сечкийрин Кьилин Комиссияди “ЦIийи Азербайжан” партияди кандидатвал къалурнавай Илгьам Гьейдаран хва Алиев Азербайжан Республикадин Президентвиле кандидат къалурун тестикьарнава.
Эхиримжи 20 йисан къене Президент Илгьам Алиеван регьбервилик кваз Азербайжанди чIехи агалкьунар гъилик авуна. Уьлкведин экономика вилик фена, агьалийрин гьалар хъсанвилихъ дегиш хьана. Президентди вичин къецепатан сиясатдалди вири дуьньяда Азербайжандин нуфуз хкажна. 
Илгьам Алиеван тарихдин метлеб авай лап чIехи агалкьун ам я хьи, адан регьбервилик кваз Азербайжанди Къарабагъ эрмени чапхунчийрикай азад авуна. Алай вахтунда азад хьанвай чилер кIвачел акьалдар хъийизва, шегьерарни хуьрер чкадиз хкун патал зурба эцигунар кьиле тухузва.