Bu ilin yanvar ayının 9-da ARB Günəş kanalında keçirilmiş məktəblilərin bilik yarışması tamaşaçıların marağına səbəb olmuşdur. Quba-Xaçmaz Regional İdarəsinin tabeçiliyində olan ümumtəhsil məktəbləri arasında "Təhsil millətin gələcəyidir" mövzusunda təşkil olunan həmin yarışma ümummilli lider Heydər Əliyevin 100 illiyinə həsr olunmuşdu.  Qusar rayonunun Zindanmuruq kənd tam orta məktəbinin IX  sinif şagirdlərindən ibarət "Zindanmuruq" komandası Xaçmaz royonu 1 saylı tam orta məktəbinin IX sinif şagirdlərindən ibarət "Vətən" komandasına qalıb gələrək növbəti mərhələyə keçmişdir. Televiziya yarışmasında Zindanmuruq kənd tam orta məktəbinin şagirdləri Ağaxanov Ramal, Qubaliyev Sənan, Mançarov Telman, Vəkilov Elşən müxtəlif elm sahələri üzrə öz biliklərini nümayiş etdirmişlər. Onlar böyük sevinclə növbəti mərhələyə hazırlaşırlar.