Алай йисан 10-октябрдиз Дагъустанда, Азербайжанда, Россияда ва маса уьлквейра лезги чIалал диктант кхьидай мярекатар кьиле фена. И гъилера вирида алай йисуз вичин 70 йисан юбилей къейд авур къелемэгьли Седакъет Керимовадин «Квахьай йикъарган» романдай са чIук кхьена.
Азербайжандин Баку шегьердани лезги чIалал рикI алай чи ватанэгьлийри ихьтин мярекат кьиле тухвана. И карда «Самур» газетдин редакциядин коллективдив мектебдин аялар, студентар, пенсионерар ва масабур агатна. Диктант Муьзеффер Меликмамедова кьиле тухвана.
