«Сувар» Лезги Манийринни Кьуьлерин ансамбль вичин 30 йисан юбилейдиз гурлудаказ гьазур жезва. 1996-йисуз Бакуда туькlуьрай, 20 йисуз жуван велед хьиз хвейи, дуьньядиз сейли авур, "Азербайжандин Халкьдин Коллектив" гьуьрметдин тlварцlиз лайихлу хьайи зи хайи хизан! Ша хвеши жемир ман ваз!

   Эхиримжи 10 йисан къене ансамблдиз Завир Наджафова гьакъисагъвилелди регьбервал гузва. Ам кьиле аваз и чlехи коллективди майдин 30-даз Бакудин Гьейдар Алиеван дараматда кьиле фидай юбилейдин мярекат хъсандиз кьиле тухун патал йиф-югъ талана кlвалахзава.

   Накь зани аялрал кьил чlугуна. Абурун алахъунар, абурун рикlе авай цlай акуна рикl ахъа хьана зи.

   Юбилейдин няни вини дережада аваз, чlехи сувар хьиз кьиле фидайдан чlалахъ я зун. Агалкьунар хьурай квез, лезги халкьдин харусенятдиз икрамзавай, чи медениятдик пай кутазвай, ам вилик тухун патал женг чlугвазвай жегьилар!