Са шумуд йис инсал вилик Дагъустандин СтIал Сулейман райондин Кьулан СтIал хуьре кардик кутур «Кпул ятар» тIвар алай санатория къвердавай абад жезва. Ина кпулдикай, кьел артух хьуникай заландиз начагъ хьанвайбур сагъар хъувун патал тежрибалу духтурарни ава, чими ятарин ваннаярни, герек тир рапар ва дарманарни.

Эхиримжи вахтара вичин къулайвилер генани артух хьанвай «Кпул ятар» санатория са патахъайни шегьердин санаториядилай гуьгъуьна амукьзавач. Кпулар сагъарун патал инуз къунши хуьрерай ва районрай цIудралди инсанар къвезва.