Лезги чlала инкарвилин суффикс вири дуьшуьшра анжах ч гьарфуналди кхьида. Месела, жедач, къведач, недач, фидач. Ихьтин гафар ш гьарфуналди жедаш, къведаш, недаш, фидаш хьиз кхидач.

Х ва хъ префиксар глаголдихъ арада маса артухан гьарф авачиз акал жеда. Месела, фин, хъфин, хъфида; хьун, хъхьун, хъжеда ва мсб.

Эвел кьиле ачух сес авай атун глаголдихъ префикс акал хьайила, кьиле авай  а гадар жеда: атун-хтун, хтана; авун глаголдин кьиле авай  а гьарф у-диз элкъведа: авун-хъувун.

-Лух суффикс анжах пуд гафуна гъ-далди кхьида: къуллугъ, пачагьлугъ, сагълугъ. Амай вири дуьшуьшра х-далди кхьида. Месела, гьамишалух, къумлух, къамишлух ва мсб.

Хьиз, ман, жал, де, кьван, тlун, хьи кlусар вири дуьшуьшра маса гафарихъай чараз кхьида. Месела, ракьуни хьиз, ша тlун, де лагь кван, къачу ман ва мсб.

Тlуз послелог гьамиша чараз кхьида. Месела, дагъдай тlуз, хуьряй тlуз, ва мсб.

***

Лезги гафарин къурулушда муьжуьд жуьредин морфемаяр жеда: дувул, диб, суффикс, префикс, инфикс, циркумфикс, постфикс.

Циркумфикс къадагъадин суффиксди дувул вичин юкьва тун я. Циркумфикс лезги чlала, алатай вахтариз хас амукьа яз, са шумуд гафуна дуьшуьш жезма: ми-йи-р; ми-же-р; ми-фи-р. И формайра къадагъадин суффиксди дувул вичин юкьва тунва. Гегъиг: ийи-мир; же-мир; фи-мир. Чи нугъатра ихьтин гафар мад ава: ма-гу-р; ме-къве-р ва мсб.